Гарын хурууны зөв байрлалаар бичих

Ээлжит хичээлийн хөтөлбөр-2

Хичээлийн сэдэв: Компьютерээр бичвэр боловсруулахад шаардлагатай арга техникт сургах /гарын зөв байрлал-кирилл үсэг/  Бичвэр хэлбэржүүлэх –зэрэгцүүлэлт (40 мин)

Заах анги: 6-р анги

Хичээлийн хэлбэр: Шинэ мэдлэг олгох хичээл.

Хичээлийн зорилго: Хурууны үндсэн байрлалаар дээш шилжих, үсгүүдийг ашиглан хурууны зөв байрлалаар бичих.

Хичээлийн зорилт:

·         Гарын хурууны зөв байрлалаас дээш шилжиж сурах

·         Гарын зөв байрлалаар бичүүлэх дадал суулгах

·         Бичвэр мэдээлэлд хэлбэржүүлэлт хийх

·         Бичвэр мэдээлэлд зэрэгцүүлэлт хийх.

Хичээлийн агуулга:

·         Гарын арван хурууны зөв байрлалаар дээш шилжих.

·         Бичвэрийг тод, налуу, доогуур зураастай болгон хэлбэржүүлэх.

Анги зохион байгуулах: Хүүхэд тус бүр нэг компьютер дээр суусан байхаар.

Хэрэглэгдэхүүн: Компьютер, сурагчдын зурж ирсэн гарын бүтэц бүхий  зураг, гарын бүтэц бүхий өнгөөр ялгасан зураг

Аргазүй: Дагуулан сургах арга.

№	Үе шат	Багшийн үйл ажиллагаа	Сурагчийн үйл ажиллагаа
1	Хичээлийн бэлтгэл үе шат (2 мин)	- Сурагчидтай мэндлэх - Ирц бүртгэх	- Багштай мэндлэх
2	Сэдэлжүүлэх, сэргээн санах  үе шат (3 мин)	- Та нар хэнд хайртай вэ? - Хүн бүр ээждээ хайртай байдаг. Ээж гэдэг нь маш агуу хүн энэ үгийг бичихийн тулд бид гарын үндсэн байрлалаас дээш шилжих шаардлагатай. Тэгвэл өнөөдөр гарын үндсэн байрлалаас дээш шилжихийг үзнэ.	- ээж, эмээ, өвөө, аав гэх мэт...
3	Шинэ мэдлэг олгох (15 мин)	- Start -> Microsoft office word программыг нээнэ үү. - Арван хурууны зөв байрлалаар дээш шилжихэд ямар үсгэн дээр ямар хуруу байхыг өнгөөр ялган харуулсан зургийг харуулах. (хавсралт-1) - Баруун гарын долоовор хуруу Y, U үсгэн дээр   Баруун гарын дунд хуруу “i,I” үсгэн дээр   Баруун гарын ядам хуруу O үсгэн дээр   Баруун гарын чигчий хуруу P, {, }, -, =+ дээр - Зүүн гарын долоовор хуруу R, T үсгэн дээр   Зүүн гарын дунд хуруу E үсгэн дээр   Зүүн гарын ядам хуруу W үсгэн дээр   Зүүн гарын чигчий хуруу Q  үсгэн дээр байрлана. - Сурагчидаар 1. Ctrl+B 2. Ctrl+I 3. Ctrl+U     товчлууруудын хослолыг даруулан тус тусдаа ямар үүрэгтэй, ямар өөрчлөлт гарж буйг асууна. - Бичвэр мэдээлэлд баруун, зүүн, голлуулах, ... зэрэгцүүлэлт хийх.	- Программаа нээн ажиллуулах - Багшийн хэлсэн үсгүүд дээр багштай хамтран дарж бичнэ. - нгшүзкъ нгшүзкъ нгшүзкъ нгшүзкъ нгшүзкъ - эжуцф эжуцф эжуцф эжуцф эжуцф - ctrl+b тодоор, бүдүүнээр, өргөнөөр.. - ctrl+i налуугаар - ctrl+u доогуур зураастай.
4	Бататгах (10 мин)	- ролд, өбый, ах, нгшүзкъ, эжуцф, үсгүүд орсон өгүүлбэр сурагчдаар бичүүлнэ. - Хүүхдүүд ээ хоол боллоо гэж  Болдын ээж  галын өрөөнөөс дуудлаа. - Хүн үхэхээрээ айлгана   Хүүхэд уйлахаараа айлгана	- Сурагчид багшийн хэлсэн өгүүлбэрийг гарын зөв байрлалаар алдаагүй зөв бичих.
5	Үнэлгээ (5 мин)	- Сурагчдаар ролд, өбый, ах, нгшүзкъ, эжуцф үсгүүд орсон гурван үг зохиолгон үг тус бүрийг товчлуурын хослолоор хэлбэржүүлэлт хийлгэнэ.	- Зохиосон гурван үгээ товчлуурын хослолоор тус бүрд нь хэлбэржүүлэлт хийнэ.
6	Дүгнэлт (3 мин)	- Сурагчид зохиосон үгээ гарын зөв байрлалаар бичиж байгаа эсэх, мөн хэлбэржүүлэлтийг товчлуурын хослолоор хийж чадаж байгаагаас хамааран 0-100 хүртэлх %-иар үнэлнэ.
7	Хичээлийн бэлтгэл үе шат (2 мин)	- Сурагчидтай мэндлэх - Ирц бүртгэх	- Багштай мэндлэх